Lagee aneuk yee teubit tamong
Lagee pukat hana pawang
Lagee meuprang hana panglima
Paleh tuha geuboh tungkat
Paleh tukang geuboh seunipat
Paleh teungku geuboh ayat
Paleh meukat geuboh keunira .
Paleh inong hana lakoe
Paleh nanggoe zalem raja
Paleh gasien hana hareukat
Paleh kaya hana himat
Pantang peudeueng meubalek sarong
Pantang Rincong meubalek mata
Pantang ureung diteu'oh kawom
Pantang hukom peujeut peukara
Patah-patah bara meunasah
Jak ikat ngoen awe lilen
Harta nyang kana beugot tapapah
Leupah that payah bak tamita laen
Leumoh hukom diatoe lee pangkat
Leumoh adat jahee raja
Leumoh kanun tinggai bak kalam
Leumoh reusam gadoh budaya
Paleeh raja peucaya berangkaso
Paleeh rakyat meu upat jeut-jeut sago
Paleeh pemimpin geuboh adat
Paleeh teungku geuboh kitab
Paleeh utoh ji boh sineupat
Paleeh rakyat jiboh pakat.
Kapten Aceh
No comments:
Post a Comment