--> 2015-10-04 | Bg Nur Komting

Meuntroe Sibujang Senang

Sunday 4 October 2015

Sabu sabu

Sabu sabu

Bek Coba Coba Beh,,,,
Watee taingat keu aneuk Aceh,
Kabeh dum teupeh,sabu ngoen ganja,
Yang muda muda,kajai dum seutreh,
Seubab kateupeh,bak narkotika,
Rata jeut gampong,hinoe ngoen hideh,
Nyan teupong puteh,laku pih teuga,
Goet that meuningkat,harga pih bereh,
Hasel nibak eh(sabu2),jai that yang kaya,
Dari Malaya,ofor u Aceh,
Hinoe dipeuceh,kalage saka,
Abeh dum maboek,sinoe ngoen sideh,
Harta dum habeh,hana dikira,
Beuthat pih ubeut,diatra paleh,
Harga jih bereh,meureutoh juta,
Alah pih diloen,hana kucukeh,
Meunyoe bit jadeh,kakeuh binasa,
Rusak pikiran,hingga jeut seutreh,
Meunyoe keunong eh(sabu2)tantaturima,
Beuthat ureung syhik,roh takoeh mareh,
Seubab kaseitreh,tathe droe hana,
Nyankeuh nyan sabu yangka dikheun eh,
Bek tanyoe cukeh,wahe syedara,
Sayang keutuboeh,hai aneuk aceh,
Bek roeh gata tes,nyan narkotika,
Wahe rakan loen,hai aneuk Aceh,
Yang golom teupeh,bek coba coba,
Jeh masa depan,gata kadipreh,
Tacipeubereh,nyan cita cita,
Bek roh tapubut,keunan taraeh,
Harta teuh habeh,tanyoe binasa,
Yangka loen peugah,beuna neupateh,
Deumi mangat gleh,pikiran jiwa,

#Nardi dinata

Derita Jomblo. Pantun Aceh 2015

Derita Jomblo. Pantun Aceh 2015

""++,,Derita Jomblo,,+

Leupie teurasA kanibak tuboeh...
Wate ujeun teoh di malam jula...
Adak pih ijA meulapeh tujoeh...
Hancit sampe troeh hangatan teuka..
~~~~~~~~~~~~~~~~~~~~~~~~~~
Aleh peu nyoekA dilake pajoeh...
Bada mie bungkoeh kalheuh meucoba...
Kupi ngoen sakA pih ka teuboeh boeh..
Hancit lam tuboeh seu'um meurasa...
~~~~~~~~~~~~~~~~~~~~~~~~~~~
Rukok meu bukA meu bungkoeh2...
Sampoe ruti goh pajoeh ngoen sira...
Hancit meutukA rasa han jioeh...
Sijeuk teuka troeh meu bura-bura...
~~~~~~~~~~~~~~~~~~~~~~~~~~~
Beudoeh lon putA bansaboeh lampoeh...
Ngoen sente lon lhoeh sipuyoeh dara...
Leumah meuruwA ji pajoeh tikoeh...
Lon pleung that jioh hana lon gisa...
~~~~~~~~~~~~~~~~~~~~~~~~~~~~
Ulon cok nugA seureuta suloeh...
Beudoeh meujak lhoeh putik meuriya...
Pajoeh ngoen saKa jampu boh sa'oeh...
Jambei pih lon boeh capli ngoen sira...
~~~~~~~~~~~~~~~~~~~~~~~~~~~~
Hancit meurasA seu'um lam tuboeh...
Adak pih lon bloeh abeh lam paya...
Teutap ji teukA leupie that tangkoeh...
Peu nyang lon pajoeh hana meurasa...
~~~~~~~~~~~~~~~~~~~~~~~~~~~~
Bak kira-kirA lon duga dugoeh...
Peunyaket katroeh bak aneuk muda...
Kateuka haWA keupila reuboeh...
Madu lam bungkoeh kameuneuk cuba...
~~~~~~~~~~~~~~~~~~~~~~~~~~~
Tapi beulanjA keunira goeh troeh...
Andai neuk pajoeh makanan raja...
Payah meu sabA haba bi tanggoeh...
Andai jih peut ploeh tumboeh hareuga...
~~~~~~~~~~~~~~~~~~~~~~~~~~~
Sangka meu madA haba lon ratoeh...
Adak han goet roeh pihka lon tera...
Meuah keukandA dinda di baroeh...
Haba lon peutroeh naroeh yang gasa...

Oleh :Ir Hendra Underline

Pake Dara Gara lakoe. Panton Aceh 2015

Pake Dara Gara lakoe. Panton Aceh 2015


Saboeh kisah ulon tera...
Lam beranda ulon pasoe...
Kisah pake aneuk dara...
Gara gara dawa lakoe...
~~~~~~~~~~~~~~~~~~~~
Ureung agam cit biasa...
Ban ka jaya ka le rampoe...
Nyan peureumoeh kana dua...
Kadang tiga peut geu eungkhoe....
~~~~~~~~~~~~~~~~~~~~~~
Yang di bireun mideun tuha...
Kuta langsa muda teumpoe...
Lhei beureuneun peut di banda....
Hana rata wate geu woe....
~~~~~~~~~~~~~~~~~~~~~~
Seureng geu eh bak yang muda...
Bak yang tuha sithoen sigoe...
Meuceh meuceh jok beulanja...
Hana rata geu meuhiroe...
~~~~~~~~~~~~~~~~~~~~~~~
Ka cemburu inoeng tuha...
Inoeng muda geuneuk eungkhoe...
Dari bireun jak u banda...
Moto sewa geu yeu ba droe...
~~~~~~~~~~~~~~~~~~~~~~~
Ban troeh keudeh ju geu mita...
Nyan si dara deungoen lakoe...
Hate peudeh roe ie mata...
Geu eu kanda lage wiroe...
~~~~~~~~~~~~~~~~~~~~~
Bineh laot geu duk kanda...
Ngoen si dara geu adei droe...
Poek2 teu'oet cukop mesra...
Gei india pilem baroe....
~~~~~~~~~~~~~~~~~~~~~~
Teuka seu'um mirah muka...
Inoeng tuha geukap igoe...
Rap lhei beuleun tan beulanja...
Tan geu kira gop nyan sidroe...
~~~~~~~~~~~~~~~~~~~~~~~~
Langsoeng maju tan meu haba...
Ju geu tampa sigoe sapoe...
Inan karu laju subra...
Geu meudawa kara karoe...
~~~~~~~~~~~~~~~~~~~~~
Geuthat ceubeuh ikah dara...
Muda muda gatai asoe...
Ka kateupeu nyoe tan muda...
Keu peu kawa jeut keu lakoe?
~~~~~~~~~~~~~~~~~~~~~~~
Nam boh aneuk tan soe kira...
Gara gara kah peu laloe...
Nyan lakoe key ka peu gisa...
Bek ku tampa teulhoeh igoe...
~~~~~~~~~~~~~~~~~~~~~~
Ka kheun keu kei kah noeng tuha...
Seu'oet muda ju meu sigoe...
Ci ka tajoe ci ka tampa...
Ku eu teuga padum kiloe...
~~~~~~~~~~~~~~~~~~~~~~~
Beu ka teu peu kei hai tuha...
Juara sa bak tekwandoe...
Nyoe reutak kah lake tampa...
Meu ku kira tan lam asoe.....
~~~~~~~~~~~~~~~~~~~~~~
Ikei dek noeng tan peu kara...
Dak pih keu sa kah tekwandoe...
Beu ka teu peu le kah dara...
Kungfu keu sa dikei sidroe...
~~~~~~~~~~~~~~~~~~~~~
Kuwiet takeu ku peu gisa...
Ulei puta kuweng jaroe...
Naci ka eu nak ka rasa...
Kiban teuga ku bela droe...
~~~~~~~~~~~~~~~~~~~~
Ci ka majoe beu sigra...
Bek le haba inan sidroe...
Cit ku neuk eu dumna teuga...
Kungfu gata dumba kiloe...
~~~~~~~~~~~~~~~~
Keureupham keureuphum ju inan..
Iiiipppp le i surak...
Iiiaaaappppp khum kham,phap phah i tangkis...
Gham itroem,prey itampa...

By:
Ir Hendra Underline