Pantun nasehat aceh terbaru 2015

Nibak Malamnyoe Bacut admin rawi
Keu pemuda pemudi ummat lammyaa
Hudep lam donya beuna takali
Dang dang ta ili bak Po Rabbana

Takali umu nyang kalheuh neubri
Kiban tajanji yoh lam prut poma
Geutanyo mandum kelheuh meujanji
Peu kalheuh tapeunuhi wahe syedara

Sembahyang limong peuna tapenuhi
Kiban tajanji geutanyoe dumna
Ilme agama peuna tacari
Perintah Ilahi bak tanyo hamba..

Kiban keuh hukom cara meusuci
Peu kapasti suci mandum anggota
Peukalheuh tajak bak yang ahli
Tajak peupasti fatihah hamba.

Ilme tauhid kiban hay akhi
wajeb bak Ilahi duaploh saja
Wajeb ta hafai mandum e akhe
Beserta dali beu ek sut uluwa

Lheuh nyan tatamah yg mustahel lagi
Bek hana meuri wahe syedara
Kageunab peut ploh sifet Ilahi
Bandum hai akhi beumeutoh sigra..

Harus bak Allah pih wajeb meuri
Bek salah boh arti tamong nuraka
Harus bak Allah bek salah boh arti
Adak pancuri gubri syuruga..

Etnan ile beh,hana le yang simak,sambong singoh lom.

Sumber