Assalamu 'alaikom Rakan meutuah
Saleum sipatah lon bri keu gata
Hajat lon Rawi na saboh kisah
Dodoe meunikah Awai pruet raya
Untuk peu ingat poma ngoen Ayah
Beuget neupapah akan anuekda
Meuleupah rugoe meuroeh buet salah
Dosa ngoen Allah Akhirat Donya
Miseu umpama lon tuan kisah
Dodoe meunikah awai pruet raya
Neudeungoe Hukom Supayah jeulah
Mangat bek salah bek roeh keurija
Na sidroe inoeng tungku meutuah
Sinyak Barensyah geurasi nama
Na salah bacut cut buluen si blah
Sinyak Barensyah ka jimeuzina
Hingga Raya pruet cut buluen peut blah
Po ma ngon Ayah laju pareksa
Ngon soe hai pocut tapubuet salah
Jaweub Barensyah ngon abang baka
Ayah ngon poma laju cok langkah
Kanto syariah Anuek ka geuba
Ohban sare troek kanto syariah
Kawaket bagah laju pareksa
Neuduek neupiyoh hai tungku Ayah
Oh na neulangkah hai tungku Apa
Teuma neujawueb laju le bagah
Lon jak peunikah nyopat Sidara
Sidara ulon jipubuet salah
Sinyak Barensyah ngon sinyak Baka
Neutop male lon tungku meutuah
Tulong peunikah nyopat Sidara
Yoh nyan di tungku laju peunikah
Geusom yang salah peugah yang beuna
Meunyo meunan buet kheun Rasulullah
Jeut tapeusalah Alem ulama
Si Inong bunting geutem peunikah
Bak donya salah Akhirat dosa
Ulon boh miseu ngat timang surah
Dudoe ceumeucah Awai seumula
Kajuet keu kheun gob rata daerah
Dudoe meunikah awai pruet raya
Oeh lahe aneuk Tungku meutuah
Kon aneuk ayah Geubangsa Ma
Meunyo roh inong aneuk tan nikah
Hanjeut wakilah oleh Ayahnya
Hanjeut dong Abi keu wali nikah
Seubab ka salah yoeh awai mula
Meunyo roh Agam Aneuk tan nikah
Saban sit surah ngon aneuk dara
Bak akhe dudoe oeh mate Ayah
Dijih hana sah jitueng pusaka
Meunan mufom lon tungku meutuah
Aneuk tan nikah sayang leupah na
Meumada oeh noe hukom lon peugah
Meunyo na salah peubeutoi sigra,
No comments:
Post a Comment