Di cot keu mudee ureung pula treung
Salam'alaikom kawoem lam juree
Nibak phoen ratee loen mubri saleum
Gampong cot iju ta eu simpang lhee
Uwie ta gesee ka puloe naleung
Hana loen peuceh dak puteh misee
Ngoen tuha layee serta inoeng chueng
Nibak mlm nyoe keunoe loen bebee
Kisah uloen mee lam bentuk jangeun
Yog goh neu baca bek neu like dilee
Kadang meu seubee apui lam seukeum
Saboh cerita yoeh masa dilee
Bungoeng mangat bee umpama loen kheun
Aneuk kak naboen gampong cot batee
Cucoe nek abee desa lueng daneun
Ureung pih cantek lintek ngoen bulee
Soe yg meutumee sabe jisenyuem
Jijak sikula bak SMA lhee
Tuntut ileumee sinan di bireun
Baroe glah dua masa nyan guree
Bungoeng mangat bee loe galak ureung
Soe soe yg pakat lju ji pangkee
Adak yg seudee pih jitem bandum
Oh jijak malam pih saboh lagee
Si inoeng lahee han pue ta hireun
Jijak poeh lapan riwang rab poh lhee
Meunan keuh lage meuthoen meu buleun
Pat na piasan agam ji pangkee
Jak jeb ie tubee rab bineh neuheun
Sampe ka jijak uyueb bak seukee
Jak let ceurapee yg teungoeh madeung
Laloe bakpiliet boh gutee
Sampe han jithee kajitoeh ujeun
Ka sijuek tuboeh pajoeh boh meunjee
Si inoeng lahee peurasat boh trueng
Sinyak tamasya kuala crapee
Jalan meubatee di jamboe kajeung
Hingga ka teuwoe jiwoe u juree
Malam ka poh lhee bak rangkang neuheun
Poma ngoen ayah susah meutabee
Bungoeng mangat bee golom meudiyueng
Jipeugah bunoe jijak bloe tapee
Sideh di keudee cot gapu bireun
Pkon inoe hat goh mupat bulee
Golom meu juntee bak aki riyeun
Mata ka teupet saket ngoen ulee
Bah ku eh dilee meunan poma kheun
Bak sang ka poh peut teungeut meupatee
Bak tika seukee poma teulinteung
Baroe troek jiwoe cut putroe lahee
Jiek u juree ngoen leuheun-leuheun
Bak pinto kamba poma teu adee
Pakiban lagee tamoeng dalam seung.
#Khazza Millioner
No comments:
Post a Comment