umpama redoek hana troek ujen
umpama khung uroe jih hana
menan umpama khen ureng jamen
tanyoe belehen udep lam donya
karna nyoe masa ka akhe zamen
macam pekaten dum asoe donya
begoet bak tajak langkah belehen
sabe blah unen bek roeh tatuka
bek gata silap walaupun siseun
takoet hy adun tanyoe celaka
bek tapeturoet taikoet zamen
karna mandum nyan hana meguna
ingat hai adoe cut kak ngon adun
belehen lehen langkah digata
begoet tailah bak taek rinyen
bepelan pelan gaki tahila
bek berang kahoe ikoet pekaten
karna mandum nyan piasan donya
bek sampe silap adoe ngon adun
bak ta arungi dunia yang fana
bacut lon tuleh didalam jangeun
walaupun bareh kureng mebanja
karana getanyoe tan le sapu khen
menan pekaten nyoe akhe masa
bak karna redoek adat rhet ujen
bak karna rinyen tanyoe binasa
karna bak taek nyan hana leheun
bak karna zamen tanyoe mebala
hoka gata adoe ngoen adun
tasambong bacut bena kuasa
dang tapreh beh pirang ujen
kenoe nejak ngoet tabercanda
No comments:
Post a Comment